Дастаў нажы. У Барысаве пасажыры напалі на кіроўцу маршруткі, бо не хацелі плаціць за праезд
Абодва знаходзіліся ў стане алкагольнага ап'янення.
Здарэнне адбылося 30 снежня на рэйсе «Лошніца — Барысаў», паведамляе абласная міліцыя.
Кіроўца ветліва папрасіў маладых людзей пры выхадзе аплаціць за праезд, тыя ў агрэсіўнай форме адмовілі і паспяшаліся выйсці з салона. Мужчына распачаў спробу ўтрымаць парушальнікаў, тыя ў сваю чаргу напалі на яго.
Адзін з прыяцеляў дастаў нажы і пачаў пагражаць імі. Другі схапіў кіроўцу за адзенне і ўдарыў.
Усё адбывалася на вачах іншых пасажыраў, якія і выклікалі міліцыю. У выніку мужчын затрымалі.
Заведзеныя крымінальныя справы. Санкцыяй артыкула прадугледжана пакаранне аж да пазбаўлення волі тэрмінам да 7 гадоў.