У Мінску на этапе мантажу забаранілі выставу мастака Уладзіміра Кандрусевіча
Адкрыццё выставы Уладзіміра Кандрусевіча было запланаванае на сёння ў Рэспубліканскім тэатры беларускай драматургіі. На ёй мастак планаваў паказаць творы апошніх гадоў.
Уладзімір Кандрусевіч. Фота: kandrusevich.notion.site
У сваіх сацсетках Уладзімір Кандрусевіч паведаміў, што выстава прайшла ўсе этапы ўзгаднення, піша Reform.by.
Падчас мантажу выстава была адменена. Прычыны забароны не вядомыя.
Уладзімір Кандрусевіч — беларускі жывапісец, манументаліст. Вядомы ў тым ліку роспісамі касцёлаў. Пра свае жывапісныя творы аўтар піша: «Мастак-фігуратывіст з Беларусі. Узнаўляе свет да грэхападзення, дзе на першы план выходзіць чалавечае цела — поўнае жыцця, непрыхаванае, не скаванае вузамі ханжаства і крывадушнасці».
З творамі Уладзіміра Кандрусевіча можна пазнаёміцца тут.