У Беларусі з'явіліся страхоўкі ў юанях
Прадпрыемства «Стравіта» з 1 снежня 2023 года пачало заключаць дамовы страхавання ў кітайскіх юанях. Гэта магчыма пры страхаванні жыцця і дадатковай пенсіі, піша Office Life.
Фота: Кім Чэнг / AP
Кліенты, якія выберуць кітайскі юань у якасці валюты страхавання, змогуць праводзіць выплату ўсіх страхавых узносаў у беларускіх рублях. Страхавыя выплаты ў гэтым выпадку таксама будуць праводзіцца ў беларускай валюце.
Усе разлікі будуць ажыццяўляцца па афіцыйным курсе Нацыянальнага банка на дату пералічэння грашовых сродкаў.
Кітайская валюта становіцца ўсё больш папулярнай у Беларусі і як сродак разлікаў, і ў мэтах зберажэння. У лістападзе 2023-га Нацбанк паведамляў, што ў экспартна-імпартных разліках доля юаня перавысіла 10%.
Беларускія банкі таксама пашыраюць лінейкі ўкладаў у кітайскай валюце. Напрыклад, у Альфа-Банку дэпазіты ў кітайскіх юанях цяпер адкрываюцца пад 3,25% гадавых. Гэта нашмат больш выгадна за ўклады ў далярах ці еўра.
Чытайце таксама:
Белгазпрамбанк прапануе фізічным асобам карткі ў юанях
Яшчэ адзін банк пераходзіць пры разліку па картах Mastercard на юані