У Мазыры свойскі сабака праваліўся пад лёд і ледзь не загінуў
Інцыдэнт адбыўся ўчора на Прыпяці. Гаспадары выгульвалі гадаванца, і сабака вырашыў прагуляцца па рачным лёдзе. Але тонкі лёд не вытрымаў нават ягонай вагі, і небарака апынуўся ў вадзе.
Фота: vk.com/gomel_osvod
На шчасце, на дапамогу своечасова прыйшлі ратавальнікі з Таварыства выратавання на водах. Дзякуючы ім жывёліну ўдалося з вады выцягнуць.
Фота: vk.com/gomel_osvod
У арганізацыі нагадваюць пра небяспеку выхаду на лёд. Тым больш што лёд цяпер на рэках такі тонкі, што не вытрымлівае нават сабачай вагі, не кажучы пра чалавечую.
Чытайце таксама:
Ратавальнікі паклікалі на дапамогу коцікаў, каб засцерагчы бестурботных рыбаловаў ВІДЭА
Дзве школьніцы праваліліся пад лёд. Адна ўхапілася за галінку дрэва і так выратавала сябе і сяброўку
Небяспечныя гульні школьнікаў на тонкім лёдзе Нёмана трапілі на відэа