Пра беларусаў, якія атрымалі больш за 150 000 рублёў у год, банк паведаміць падатковай
Ужо сёлета банкі павінны будуць падаць звесткі ў падатковую пра тых людзей, чые даходы перавысілі 150 000 рублёў за мінулы каляндарны год. Такую інструкцыю дае пастанова № 16 «Аб наданні банкамі звестак аб наяўнасці і рэквізітах рахункаў фізічных асоб».
У агульную суму даходаў не будуць уключацца адмены плацяжоў, звароты, налічаныя банкам працэнты, авердрафту і залічаныя на рахунак крэдыты.
Ва ўсіх іншых выпадках, калі сума прыходных аперацый перавысіла 150 000 рублёў за 2023 год, звесткі мусяць падавацца банкамі ў Міністэрства па падатках і зборах не пазней за 1 верасня. Форма і парадак працэдуры прадугледжаныя ў пастанове.
Дакумент уступіць у сілу пасля яго афіцыйнага апублікавання, паведамляе Нацыянальны прававы партал.
Чытайце таксама:
Дыстанцыйшчык плаціць 6500 рублёў падаткаў у Беларусі, але ўсё роўна стаў «дармаедам». Як так?