Былы засакрэчаны аб'ект пад Петрыкавам нікому не прыдаўся
У Петрыкаўскім раёне на таргі выставілі пляцоўку былога машынабудаўнічага завода «Авангард», але пакупнікоў на аб'ект не знайшлося. Пра гэта сведчаць даныя пляцоўкі «БУТБ-маёмасць».
Лот ўяўляе сабой 57 будынкаў і велізарны ўчастак зямлі. Калісьці, яшчэ ў часы СССР, на гэтай тэрыторыі знаходзілася сакрэтная вайсковая база.
Дагэтуль пляцоўка знаходзіцца на балансе ААТ «Гомсельмаш», якое ўжо некалькі разоў спрабавала ад яе пазбавіцца. Пры гэтым у аб'екта адсутнічаюць якія-небудзь абцяжаранні, але тым не менш прадаць яго няпроста.
Гэтым разам кошт аб'екта быў зніжаны да 2736 рублёў. Але таргі, запланаваныя на 17 чэрвеня, не адбыліся з-за адсутнасці заяўнікаў.
Чытайце таксама:
На Гомельшчыне прадаюць былы засакрэчаны «аб'ект 600»
У Чачэрску зноў спрабуюць прадаць за бесцань старадаўнюю сядзібу
На таргі выставілі цяплічную гаспадарку агракамбіната «Ждановічы»