У Віцебску ўлады ліквідавалі найстарэйшую жаночую арганізацыю
Ініцыятыва належала Мінюсту.
Фота: Віцебская вясна
Віцебскі абласны суд прыняў рашэнне аб ліквідацыі Беларускага грамадскага аб'яднання жанчын «Ульяна». Подпіс пад рашэннем паставіла суддзя Вольга Ільюшонак. Ініцыятарам ліквідацыі выступіў Мінюст, піша «Віцебская вясна».
«Ульяна» — найстарэйшая жаночая арганізацыя Віцебска. Больш за 26 гадоў яна аб'ядноўвала актыўных беларускіх жанчын, якія займаліся рэалізацыяй грамадска значных праектаў. Арганізацыя аказвала дапамогу жанчынам, дзецям і сем'ям, якія трапілі ў складаную жыццёвую сітуацыю.
Практычна ўсе праекты былі рэалізаваны сумесна з мясцовымі органамі выканаўчай улады.
Так, у 2018 годзе членамі арганізацыі і УУС па Віцебскай вобласці быў рэалізавалі праект «вучыцца, каб дзейнічаць», які быў прафінансаваны Еўрапейскім саюзам і Федэральным міністэрствам эканамічнага супрацоўніцтва і развіцця Германіі.
У апошні час 13 актывістак «Ульяны» сумесна з абласнымі медыцынскімі дзяржструктурамі правялі некалькі мерапрыемстваў у дапамогу жанчынам, у якіх дыягнаставаны ВІЧ.
Чытайце таксама:
Былы міністр юстыцыі Хаменка цяпер возьмецца за мэты ўстойлівага развіцця
Ліквідуюць фонд, які выдаваў часопіс «Дзеяслоў»
Паставілі на ліквідацыю аб'яднанне садзейнічання беларуска-расійскай інтэграцыі