Паставілі на ліквідацыю аб'яднанне садзейнічання беларуска-расійскай інтэграцыі
Мінскі гарадскі суд 19 чэрвеня разгледзіць пазоў Міністэрства юстыцыі з патрабаваннем ліквідаваць грамадскае аб'яднанне садзейнічання беларуска-расійскай інтэграцыі «Разам». Гэта вынікае з раскладу на партале электроннага судаводства, піша «Позірк».
Паводле даных з Адзінага дзяржаўнага рэгістра юрыдычных асоб і індывідуальных прадпрымальнікаў (АДР), арганізацыя зарэгістраваная 1 сакавіка 1999 года. У лютым 2022 года аб'яднанне «Разам» паведаміла Мінюсту пра намер працягнуць сваю працу. На пачатак таго года ў гэтай структуры было 125 членаў (у Брэсцкай вобласці — 25, іншых абласцях і Мінску — 95, у Расіі — 5).
Чым канкрэтна займаецца аб'яднанне, інфармацыі ў адкрытым доступе няма. У ліку мерапрыемстваў, праведзеных ім у 2021 годзе, фігуруюць толькі два пасяджэнні праўлення.
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары
Не выдавайце недасьведчаным гэтае эзатэрычнае таямніцы, я пішу тут выключна дзеля вузкага кола дапушчаных да Сапраўднае Веды чытачоў бастыёну Нашае Нівы.