У Маладзечне чалавек двойчы прынёс у краму замест рублёў «дублі». І ў яго атрымалася

У Маладзечне мясцовы жыхар двойчы разлічыўся з прадаўцом гандлёвага кіёска сувенірнымі купюрамі. Прадавачка заўважыла сваю памылку толькі ўвечары, паведамляе УУС Мінаблвыканкама.

Грашовыя купюры, якія прадавачка па няўважлівасці прымала, мала таго што былі зробленыя на неадпаведнай паперы, дык на іх было і напісана замест «рублёў» «дублёў». 

Такія дзеянні з боку чалавека, які плаціў гэткімі купюрамі, кваліфікуюцца як махлярства: завалоданне маёмасцю альбо набыццё права на маёмасць шляхам падману або злоўжыванні даверам. Па гэтым факце ў маладзечанскай міліцыі цяпер праводзяць праверку. 

Каментары да артыкула