Махляры прымусілі пенсіянерку ўзяць тры крэдыты і нават зрабілі сваёй памагатай
Злачынцы тэлефануюць ад імя супрацоўнікаў Фонду сацыяльнай абароны насельніцтва і пагражаюць пакінуць беларусаў без пенсіі. Ахвяр такой афёры з кожным днём становіцца ўсё больш. Нядаўна аналагічная гісторыя адбылася ў Мінску, піша Blizko.by
На лінію «102» звярнулася мінчанка і распавяла, што яе пажылая маці перадала кур'еру тэлефонных махляроў амаль 70 тысяч рублёў у эквіваленце. Высветлілася, што грошы забрала 60-гадовая выкладчыца сталічнай ВНУ. Але тая выкладчыца і сама стала ахвярай аферыстаў.
Усё пачалося са званка ў месенджар: незнаёмец на іншым канцы дроту прадставіўся супрацоўнікам Фонду сацыяльнай абароны насельніцтва і запатрабаваў удакладніць асабістыя звесткі, а таксама загрузіць электронны дадатак ФСАН. Мужчына прыгразіў, што ў выпадку адмовы жанчыне перастануць выплачваць пенсію.
Мінчанка выканала ўсе патрабаванні, пасля гэтага з яе рахунку спісалі грошы. Ёй тут жа патэлефанаваў іншы незнаёмец-ужо пад выглядам супрацоўніка Дэпартамента фінансавых расследаванняў. Суразмоўца запэўніў, што па факце крадзяжу грошай распачатая праверка, аднак злачынцы нібыта паспелі аформіць заяўку на крэдыт ад імя жанчыны.
Каб дапамагчы ў іх злавіць, мінчанка па камандзе куратараў узяла ў трох банках крэдыты на 30 тысяч рублёў і перавяла грошы на спецыяльныя рахункі. Пасля гэтага ў месенджары ёй даслалі фальшывыя даведкі аб датэрміновым пагашэнні ўсіх пазык.
Аднак на на гэтым гісторыя не скончылася. Далей ад імя міліцыі жанчыну папрасілі дапамагчы пажылой мінчанцы, у якой праблемы са здароўем. Трэба было забраць у той пенсіянеркі грошы і такім жа чынам пакласці іх на рахунак. Жанчына выканала ўказанні аферыстаў, але неўзабаве яе затрымала міліцыя.
Заведзена крымінальная справа.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам11
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1818
Каментары