У Лунінецкім раёне бык напаў на рабочага фермы
Мужчына спрабаваў уцячы, але не паспеў пералезці праз плот.
Здымак ілюстрацыйны. Фота: dzyannica.by
На ферме ў Лунінецкім раёне бык напаў на рабочага. Жывёлавод дапамагаў заганяць быкоў для ўзважвання. Аднак адна з жывёл не падпарадкавалася.
Бык раптам развярнуўся і накіраваўся ў бок жывёлавода. Мужчына спрабаваў уцячы ад быка, але не паспеў пералезці праз плот. У выніку жывёла галавой уваткнула мужчыну ў загароду, піша Дзяржкамітэт судовых экспертыз.
Работнік фермы атрымаў пералом косткі галёнкаступнёвага сустава і множныя раны. Эксперты вызначылі яго пашкоджанні як менш цяжкія.