U Łuninieckim rajonie byk napaŭ na rabočaha fiermy
Mužčyna sprabavaŭ uciačy, ale nie paśpieŭ pieraleźci praz płot.
Zdymak ilustracyjny. Fota: dzyannica.by
Na fiermie ŭ Łuninieckim rajonie byk napaŭ na rabočaha. Žyviołavod dapamahaŭ zahaniać bykoŭ dla ŭzvažvańnia. Adnak adna z žyvioł nie padparadkavałasia.
Byk raptam raźviarnuŭsia i nakiravaŭsia ŭ bok žyviołavoda. Mužčyna sprabavaŭ uciačy ad byka, ale nie paśpieŭ pieraleźci praz płot. U vyniku žyvioła hałavoj uvatknuła mužčynu ŭ zaharodu, piša Dziaržkamitet sudovych ekśpiertyz.
Rabotnik fiermy atrymaŭ pierałom kostki halonkastupniovaha sustava i množnyja rany. Ekśpierty vyznačyli jaho paškodžańni jak mienš ciažkija.