У Аршанскім раёне мужчына залез у чужую хату і там памёр
У адной з вёсак Аршанскага раёна ў хаце, гаспадыні якой некалькі дзён не было дома, знайшлі цела невядомага чалавека, паведаміў Дзяржаўны камітэт судовых экспертыз.
Сусед жанчыны раніцай праходзіў міма яе хаты па вуліцы і ўбачыў адчыненыя дзверы на веранду. Зайшоўшы ж туды, ён пабачыў на падлозе цела невядомага чалавека.
Бачных прыкмет гвалтоўнай смерці ў нябожчыка не выявілі, ніякіх дакументаў пры ім не было.
Для высвятлення асобы ў памерлага ўзялі адбіткі пальцаў рук і далоняў. Пасля аналізу адбіткаў устаноўлена іх поўнае супадзенне з 60-гадовым жыхаром Магілёва.
Дакладную прычыну смерці мае высветліць судова-медыцынская экспертыза.
Чытайце таксама:
У Лідскім раёне дзед выпадкова стрэліў у малога ўнука з паляўнічай стрэльбы. Хлопчык загінуў
У Ляхавіцкім раёне ў лесе насмерць замерз мужчына
У Асіповічах падчас вячэры ў дзіцячым садку памерла двухгадовае дзіця