Павялічаць заробкі медыкам з сярэдняй спецыяльнай адукацыяй

Савет міністраў прыняў рашэнне аб павелічэнні памераў надбавак да заробкаў медработнікам з сярэдняй спецыяльнай медыцынскай адукацыяй, паведаміла ўрадавая прэс-служба.

Фота ілюстрацыйнае

У Савеце міністраў разгледзелі пастанову Міністэрства аховы здароўя №9 ад 24 студзеня, у якой прадугледжанае павышэнне аплаты працы дактароў-спецыялістаў, але захаваныя на ранейшым узроўні заробкі сярэдняга медперсаналу. Ва ўрадзе палічылі, што ўклад апошніх у сферу аховы здароўя не цалкам улічаны.

Акрамя таго, было прызнана, што пастанова Мінздароўя ў цяперашнім выглядзе не адпавядае даручэнню Лукашэнкі аб збалансаваным росце заробку ўсіх катэгорый работнікаў.

У выніку Міністэрству аховы здароўя сумесна з Мінпрацы і Мінфінам даручылі ў трохдзённы тэрмін унесці адпаведныя змены ў гэтую пастанову.

Каментары да артыкула