Рада дырэктараў Tesla пачала шукаць замену Ілану Маску
Рада дырэктараў Tesla пачала шукаць новага генеральнага дырэктара кампаніі, які зойме гэтую пасаду замест Ілана Маска. Пра гэта піша The Wall Street Journal са спасылкай на крыніцы.
Фота: Beata Zawrzel / NurPhoto via Getty Images
Сур’ёзна ў Tesla задумаліся пра замену Маска каля месяца таму — на фоне падзення акцый кампаніі і раздражнення часткі інвестараў з-за таго, што Маск засяроджаны на працы ў Белым доме. У гэты момант рада дырэктараў звярнулася ў некалькі арганізацый па падборы кіраўнікоў, запусціўшы фармальныя працэсы пошуку наступнага кіраўніка.
Калі Tesla ў другой палове красавіка адрапартавала пра падзенне прыбытку на 71%, Маск публічна паабяцаў, што будзе менш часу надаваць Дэпартаменту эфектыўнасці дзяржаўнага кіравання (DOGE). Зрабіць гэтую заяву, паводле даных крыніц WSJ, яго прасілі ў савеце дырэктараў.
У выніку рада дырэктараў звузіла фокус да супрацоўніцтва з адной буйной кампаніяй, якая шукае прыдатных кандыдатаў на пасаду генеральнага дырэктара. Як зараз развіваецца гэты працэс, невядома. Маск на просьбу пракаментаваць не адказаў.
Чытайце таксама:
Маск паабяцаў надалей менш працаваць у адміністрацыі Трампа і больш — у сваіх кампаніях