Стала вядома, калі ў Мінску перастане смярдзець
Непрыемны пах ад Мінскай ачышчальнай станцыі, на які летам скардзіліся жыхары, павінен знікнуць у найбліжэйшы час. Пра гэта паведаміў генеральны дырэктар «Будтрэста № 4» Анатоль Вядзёрчык у эфіры тэлеканала СТБ.
Фота: «Мінск-Навіны»
Паводле слоў Анатоля Вядзёрчыка, рэканструкцыя станцыі ідзе ў пяць этапаў. Першую чаргу плануюць завяршыць ужо сёлета. Пасля яе запуску будзе арганізаваны збор газаў, што выдзяляюцца падчас працы аб’екта, і праблема з пахам павінна знікнуць.
Першая чарга тычыцца збудаванняў механічнай ачысткі, другая — біялагічнай. Абедзве знаходзяцца ў працы. Завяршыць першы этап хочуць у 2025 годзе, а ў пачатку наступнага года правядуць пусканаладачныя работы.
Калі ўсе пяць этапаў будуць зробленыя, адкіды пачнуць збіраць і спальваць, што значна скароціць шкодныя выкіды і аб’ём смецця. Цалкам завяршыць рэканструкцыю плануюць у 2028 годзе.
Чытайце таксама:
«Хай спяць пад кустамі!» У Барысаве патрабуюць зрабіць штосьці з бяздомнымі на вакзале
У мінскай Лошыцы зноў смярдзіць. Што кажуць улады?
Для вырашэння праблемы затаплення ў Мінску закупяць новую тэхніку