Візавы цэнтр Іспаніі ў Маскве, якім карысталіся многія беларусы, спыніў прыём дакументаў
Прычынай прыпынення прыёму заяў і выдачы віз называюцца тэхнічныя прычыны.
Трыумфальная арка ў Барселоне. Фота: Wikimedia Commons
Пры пераходзе на старонку Генеральнаага консульства Іспаніі ў Маскве, гасцей сустракае паведамленне, якое паведамляе, што візы больш не выдаюць. Пра гэта піша выданне «Точка».
Асабліва непрыемным сюрпрызам паведамленне стала для тых, хто ўжо чакае свой «шэнген». Генеральнае консульства Іспаніі ў Маскве выбіралі многія беларусы, каб атрымаць шэнгенскую візу.
«Паважаныя заяўнікі! Звяртаем вашу ўвагу, што па тэхнічных прычынах Генеральнае консульства Іспаніі ў Маскве не будзе прымаць заявы да наступнага паведамлення. Прыносім прабачэнні за дастаўленыя нязручнасці», — гаворыцца ў паведамленні.
Дакладна невядома, што стала прычынай такога рашэння дыппрадстаўніцтва. Многія звязваюць гэта з тым, што ў новым пакеце санкцый ЕС мае намер узмацніць сваю візавую палітыку ў дачыненні да грамадзян Расіі.