Мінскі кінатэатр запускае «Сакрэтныя сеансы»
Кінатэатр «Цэнтральны» запускае новы праект — «Сакрэтны сеанс», які пакіне праблему выбару кіно на вечар у мінулым.
БелТА
Як гэта працуе?
- арганізатары выбіраюць фільмы, правераныя часам і глядацкімі ацэнкамі;
- кожны месяц арганізатары будуць вызначаць тэму «Сакрэтнага сеанса» і паказваць фільм, які будзе ідэальна яе адлюстроўваць;
- гледачы не даведаюцца, які будзе дэманстравацца фільм, пакуль у зале не пагасне святло;
- усё, што будзе вядома гледачам пра паказ, які мае адбыцца, — гэта агульная тэма (жанр, стыль);
- у рэпертуары фільм будзе паказаны як «Сакрэтны сеанс».
«Вядома, мы не можам пакінуць у баку самых актыўных гледачоў, таму хутка ў вас з’явіцца магчымасць праверыць вашу інтуіцыю, адгадаць «сакрэтны фільм», які мае адбыцца, і атрымаць невялікія падарункі ад кінатэатра. Сачыце за абнаўленнямі ў нашым профілі», — распавялі ў сацсетках кінатэатра.