Minski kinateatr zapuskaje «Sakretnyja sieansy»
Kinateatr «Centralny» zapuskaje novy prajekt — «Sakretny sieans», jaki pakinie prablemu vybaru kino na viečar u minułym.
BiełTA
Jak heta pracuje?
- arhanizatary vybirajuć filmy, pravieranyja časam i hladackimi acenkami;
- kožny miesiac arhanizatary buduć vyznačać temu «Sakretnaha sieansa» i pakazvać film, jaki budzie idealna jaje adlustroŭvać;
- hledačy nie daviedajucca, jaki budzie demanstravacca film, pakul u zale nie pahaśnie śviatło;
- usio, što budzie viadoma hledačam pra pakaz, jaki maje adbycca, — heta ahulnaja tema (žanr, styl);
- u repiertuary film budzie pakazany jak «Sakretny sieans».
«Viadoma, my nie možam pakinuć u baku samych aktyŭnych hledačoŭ, tamu chutka ŭ vas źjavicca mahčymaść pravieryć vašu intuicyju, adhadać «sakretny film», jaki maje adbycca, i atrymać nievialikija padarunki ad kinateatra. Sačycie za abnaŭleńniami ŭ našym profili», — raspaviali ŭ sacsietkach kinateatra.