Беларуска паказала, як прыгатаваць тыя самыя журавіны ў цукровай пудры — вы здзівіцеся, наколькі гэта проста
Ганна публікуе ў сваім блогу розныя незвычайныя рэцэпты, якія пры гэтым гатуюцца нескладана — ад апельсінавых мармеладак да пасты з цукіні. Гэтым разам яна паказала, як прыгатаваць у хатніх умовах тыя самыя журавіны ў цукровай пудры — адзін з улюбёных беларускіх дэсертаў.
Для порцыі кісла-салодкіх цукерачак вам спатрэбіцца:
• 200 грамаў журавін
• 200 мілілітраў соку (Ганна абрала апельсінавы)
• 200 грамаў цукровай пудры
Журавіны варта прамыць і заліць сокам на дзве гадзіны. Пасля зліць сок і акуратна выкачаць ягады ў цукровай пудры.
Далей — адпраўляйце журавіны ў духоўку пры тэмпературы 70°C (верх і ніз + канвекцыя) прыкладна на восем хвілін.
Потым застаецца даць ягадкам астыць і атрымліваць асалоду.
Чытайце таксама:
Пара! Пара крышыць капусту. Вось рэцэпты: ва ўласным соку, у расоле і па-хуткаму
Як правільна выбраць салодкі падарунак дзіцяці і якіх дабавак трэба пазбягаць
Дыетолаг падказвае, якая ежа дапаможа адолець агульную млявасць зімой