Аўтарка кулінарных кніг, дыетолаг і фудблогерка Алеся Княжэвіч падзялілася ў інстаграме, якія прадукты змогуць дапамагчы падняць настрой зімой, падчас якой нам уласціва часцей адчуваць агульную млявасць і абыякавасць да жыцця.
Кулінарная блогерка Алеся Княжэвіч. Фота: інстаграм @alesia_foodblog
Зімой арганізм просіцца праваліцца ў сон: мы больш хандрым праз недахоп сонца і часцей цягнемся да салодкага, думаючы, што такім чынам дадамо сабе энергіі. Але з хуткімі вугляводамі эфект кароткатэрміновы.
Таму Алеся Княжэвіч раіць звярнуць увагу на наступныя прадукты (яны сапраўды падтрымаюць настрой, дзякуючы ўтрыманню вітаміну D, магнію і амегі-3, а таксама сератаніну).
- Шакалад — павышае ўзровень сератаніну і антыаксідантаў.
- Арэхі. Багатыя на амега-3, што падтрымлівае мозг і стабільны настрой.
- Ліставая зеляніна. Утрымлівае фалаты — прыродныя формы вітаміну В9 (фоліевай кіслаты), што пазітыўна ўплываюць на нервовую сістэму.
- Тлустая рыба (ласось, селядзец, скумбрыя) — натуральная крыніца вітаміну D і амегі-3. Таксама дапамагаюць нервовай сістэме супакоіцца.
- Бананы — крыніца магнію, вітаміну B6 і сератаніну, які называюць гармонам шчасця.
- Аўсянка — павольныя вугляводы, што прыносяць стабільны цукар у крыві і, адпаведна, больш роўны настрой.
- Бабовыя — гэта шмат трыптафану, магнію і бялку. Дапамагае падтрымліваць энергію на ўзроўні і мацуе псіхічную ўстойлівасць.
Каментары
И никакой вялости,ни Боже мой!
Давеча тут учили правильно колбасу резать… разберёмся.