Заўтра можа не быць доступу да беларускіх сайтаў для карыстальнікаў з-за мяжы
Як стала вядома выданню Reform.news, Аператыўна-аналітычны цэнтр пры Лукашэнку загадаў на два дні закрыць доступ для замежных наведвальнікаў да сайтаў, размешчаных на тэрыторыі Беларусі. Блакаванне будзе ўключанае сёння ноччу.
Здымак ілюстрацыйны. Фота: «Наша Ніва»
Абмежаванні закрануць віртуальны хостынг і размешчаныя на ім сайты. Яны будуць дзейнічаць з 00:00 18 снежня да 23:59 19 снежня 2025 года.
Меры нібыта абумоўленыя пагрозамі для аб'ектаў інфармацыйнай інфраструктуры і інфармацыі, якая апрацоўваецца з іх выкарыстаннем.
Верагодна, абмежаванні звязаныя з правядзеннем другога пасяджэння сёмага Усебеларускага народнага сходу, якое пройдзе 18‑19 снежня 2025 года.
Чытайце таксама:
Перад УНС сілавікі нагнятаюць атмасферу
Галоўчанка і Круты абраны дэлегатамі УНС ад Федэрацыі прафсаюзаў