Міністр унутраных спраў Іван Кубракоў распарадзіўся ўзмацніць кругласутачную ахову ў Мінску, а таксам залучыць сапёрныя групы і групы для маніторынгу інтэрнэту. Ён абгрунтаваў гэтыя меры падрыхтоўкай да правядзення Усебеларускага народнага сходу.
Кубракоў правёў інструктаж напярэдадні збору дэлегатаў і паведаміў, што для пастаяннага кантролю за сітуацыяй і аб’ектамі інфраструктуры будзе выкарыстоўвацца рэспубліканская сістэма маніторынгу грамадскай бяспекі, сапёрна-піратэхнічныя групы, падраздзяленні ў супрацьдзеянні беспілотнікам і інтэрнэт-маніторынг.
Ён таксама распарадзіўся перавесці асабовы склад на ўзмоцнены варыянт службы і гарантаваць бяспеку перасоўвання ўдзельнікаў сходу. Начальнік Мінскага гарадскога ўпраўлення МУС Міхаіл Грыб пацвердзіў, што ўсе будынкі, звязаныя са сходам, будуць знаходзіцца пад кругласутачнай аховай.
Кубракоў падкрэсліў, што сітуацыя можа змяняцца вельмі хутка, таму асабовы склад павінен быць гатовы аператыўна рэагаваць на любыя, у тым ліку нестандартныя, сітуацыі.
Усебеларускі народны сход пройдзе ў Мінску 18‑19 снежня.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося29
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1111
Каментары