Кіт Келаг пра Зяленскага: Ён жорсткі сукін сын
Кіт Келаг, былы спецыяльны пасланнік Трампа па Украіне, у інтэрв'ю брытанскаму тэлеканалу ITV параўнаў Зяленскага з Аўраамам Лінкальнам і назваў яго «жорсткім» і «упартым» лідарам.
Кіт Келаг. Фота: Dursun Aydemir / Anadolu via Getty Images
«Зяленскі — крэпкі арэх. Я маю на ўвазе, ён — жорсткі сукін сын. Ён упарты. У яго ёсць сваё меркаванне. Ён не баіцца яго выказваць. Ён ведае, як карыстацца СМІ. Мы не бачылі такога лідара ў ЗША з часоў Лінкальна», — сказаў Келаг.
Кіт Келаг быў з сакавіка 2025 года спецпрадстаўніком па Украіне, яго паўнамоцтвы канчаюцца ў гэтым студзені. Келаг меў выразную праўкраінскую пазіцыю. Ад перамоў па Украіне ён быў, імаверна, праз гэта адсунуты.