Пры перагрузцы аўтамабіляў з ЗША беларускія мытнікі знайшлі ў грузе янота ФОТЫ
У Беларусі падчас перагрузкі кантэйнера з легкавымі аўтамабілямі з ЗША супрацоўнікі Гродзенскай мытні знайшлі незвычайнага «падарожніка» — янота. Жывёліна спакойна драмала на пярэдняй панэлі аднаго з аўто, піша прэс-служба Дзяржаўнага мытнага камітэта.
Мяркуецца, што янот пракраўся ў кантэйнер яшчэ ў ЗША і, нягледзячы на некалькі дзён перапраўкі праз Атлантычны акіян, дабраўся да беларускага памежжа.
Неўзабаве пасля знаходкі спецыялісты забяспечылі жывёліне адпаведны догляд, а пасля яе адправілі на каранцін на Ашмянскую раённую ветэрынарную станцыю. Там за здароўем янота будуць уважліва назіраць.
Пасля сканчэння каранціну вызначаць далейшы лёс жывёліны: яе могуць перадаць у Налібоцкую пушчу ці у Гродзенскі заапарк — рашэнне залежыць ад стану здароўя янота.
Чытайце таксама:
П'яны янот учыніў начны дэбош у краме, а пасля заснуў у прыбіральні
Мілыя і вельмі блізкія: яноты могуць стаць наступнымі хатнімі гадаванцамі амерыканцаў