Зяленскі прызначыць спецпрадстаўніка па Беларусі
Зяленскі сустрэнецца з некалькімі дыпламатамі, якіх разглядае на гэтую пасаду.
Фота: Прэс-служба прэзідэнта Украіны
Уладзімір Зяленскі заявіў сёння пра намер прызначыць упаўнаважанага па пытаннях Беларусі і падкрэсліў неабходнасць падтрымкі дэмакратычных сіл у Беларусі. Пра гэта кіраўнік дзяржавы паведаміў падчас размовы журналістам.
«Я ўпраўнаважанага па Беларусі не прызначаў. Хачу прызначыць», — сказаў прэзідэнт Украіны.
Зяленскі расказаў, што імкнецца сустрэцца з некалькімі дыпламатамі, якіх разглядае на адпаведную пасаду.
«Хачу моцную асобу на пасаду ўпраўнаважанага па Беларусі. Лічу, што гэта правільна. Трэба падтрымліваць намаганні дэмакратычных сіл Беларусі», — падкрэсліў Зяленскі
25 студзеня падчас сустрэчы з Зяленскім у Вільні Святлана Ціханоўская прапанавала Украіне прызначыць спецыяльнага пасланніка па пытаннях Беларусі.