У Гродзенскім заапарку нарадзілася дзіцяня зебу ВІДЭА
У Гродзенскім заапарку нарадзілася дзіцяня ў самкі зебу — азіяцкага гарбатага быка. Пра гэта паведамілі ў афіцыйным тэлеграм-канале заапарка.
Скрыншот з відэа
Нараджэнне адбылося напрыканцы студзеня. Маці малой — зебу на мянушку Земушка — паспяхова перанесла роды, і на свет з’явілася здаровае і моцнае цяля. Як і належыць большасці капытных, малое хутка стала на ногі і без праблем пачало смактаць мацярынскае малако.
Супрацоўнікі заапарка ўжо далі нованароджанай імя — яе назвалі Забава. Цяпер у Гродзенскім заапарку жыве цэлая сям’я зебу: бацька Дабрыня, маці Земушка і іх дачка Забава.
Чытайце таксама:
Як яноту, які прыплыў да нас з ЗША, удалося месяц выжыць у машыне без ежы?
У Гродзенскім заапарку найбольш цешацца з зімы жыхары Афрыкі ВІДЭА