За год сваю справу з дзяржпадтрымкай адкрыла амаль тысяча беспрацоўных
Субсідыі на адкрыццё ўласнай справы ў Беларусі атрымалі 935 беспрацоўных (на 104 чалавекі больш, чым летась). Агульная выдадзеная ім сума склала 5,2 мільёна рублёў, паведамілі 3 лютага ў Мінпрацы.
Здымак ілюстрацыйны. Фота: «Наша Ніва»
Большая частка ўсіх атрымальнікаў (82 працэнты) прайшлі папярэдняе навучанне асновам прадпрымальніцтва.
Самымі папулярнымі напрамкамі для старту бізнэсу сталі выкананне розных паслуг (рамонт, лагістыка, таксі, прыгажосць) і рознічны гандаль.
Найбольшая колькасць субсідый была выдадзена ў рэгіёнах. Лідарамі сталі Мінская, Гомельская і Магілёўская вобласці.
Амаль палова новых бізнэсаў была запушчаная жанчынамі. Яны адкрываюць салоны прыгажосці, швейныя майстэрні і аграсядзібы.
Амаль кожны чацвёрты новы прадпрымальнік (23 працэнты) быў жыхаром сельскай мясцовасці.
Чытайце таксама:
Колькі дадуць грошай беспрацоўным на пераезд у вёску?
Беспрацоўным мінчукам будуць даваць субсідыі на арганізацыю ўласнай справы
Міністэрства ЖКГ расказала, як «дармаеды» ды іх сямейнікі павінны плаціць за камуналку