У Мінску расіяне адкрываюць італьянскі рэстаран
Увечары 9 лютага ў Мінску афіцыйна адкрываецца рэстаран «Сарэнта», паведаміў блогер «Мерзкий Кокобай».
Фота: koko.by
Новы італьянскі рэстаран размясціўся ў левым крыле бізнэс-цэнтра «Дана Кэпітал» на вуліцы Інтэрнацыянальнай. Яго адкрыццё планавалі яшчэ да канца 2025 года.
«Сарэнта» — гэта сумесны праект расійскай кампаніі Novikov Group & Family Garden, якая запускае ў Мінску адразу некалькі рэстаранных франшыз, піша Office Life. Канцэпцыя ўстановы — класічная італьянская кухня з меню, натхнёным падарожжам па міжземнаморскім узбярэжжы, і атмасферай сямейнага рэстарана.
Паводле меню, сярэдні кошт стравы складае каля 40 рублёў, а мясныя і рыбныя стравы, як і морапрадукты, абыдуцца прыкладна ў 50 рублёў.
Як паведамляецца, 9 лютага рэстаран пачне працу з 18:00, а з 10 лютага будзе працаваць у звычайным рэжыме.
Чытайце таксама:
Сяброўка Віктара Лукашэнкі рыхтуецца адкрыць трэцяе бістро ў Мінску
У цэнтры Мінска прадаюць папулярную бургерную
У некаторых беларускіх рэстаранах можна падзяліць рахунак па QR-кодзе
У Мінску адкрываецца прэміяльны рэстаран са стэйкамі за 1000 рублёў