Амерыканскаму яноту-нелегалу выдалі беларускі пашпарт

Цяпер у пухнатага вандроўніка ёсць афіцыйны дакумент, дзе пазначаныя яго звесткі: імя — Сеня (Арсеній), дата нараджэння — 27 кастрычніка 2023 года, а месца — лес у Злучаных Штатах Амерыкі. «Пашпарт» будзе дзейнічаць да 12 лютага 2036 года, паведамілі ў сюжэце на тэлеканале СТБ.

Фота: ctv.by

У Беларусь Сеня трапіў у студзені, пераадолеўшы Атлантыку ў кантэйнеры з амерыканскімі аўтамабілямі. Мытнікі неспадзявана знайшлі жывёліну ў адной з машын. Пасля некалькіх тыдняў каранціну і назірання ветэрынары пацвердзілі, што янот цалкам здаровы.

У выніку янота перадалі ў парк жывёл «Дыпрыз» пад Баранавічамі, там ён цяпер і будзе жыць. 

Каментары да артыкула