Гродзенскі «Нёман» заваяваў Суперкубак Беларусі
Уладальнік Кубка Беларусі па футболе, гродзенскі «Нёман», у матчы за Суперкубак сустракаўся з чэмпіёнам Беларусі — віцебскім «МЛ».
Матч прайшоў на мінскім стадыёне «Дынама-Юні» і ў асноўны час завяршыўся ўнічыю 2:2. Пры гэтым спачатку віцебскі «МЛ» выйграваў 2:0, і толькі пад канец асноўнага часу матча гродзенцы зраўнялі лік.
Лёс трафея вырашаўся ў серыі пасляматчавых пенальці. Больш дакладнымі аказаліся футбалісты «Нёмана», якія перамаглі з лікам 5:4. Вырашальны ўдар нанёс Іван Садоўнічы.
Гродзенскі клуб на чале з Ігарам Кавалевічам стаў уладальнікам Суперкубка Беларусі ўпершыню ў гісторыі.
Чытайце таксама:
Славенскі «Цэле», які трэніруе беларус Маеўскі, у 1/8 фіналу Лігі канферэнцый згуляе з АЕКам
25‑гадовы беларускі футбаліст перайшоў у 12‑ы клуб у кар'еры