Славенскі «Цэле», які трэніруе беларус Маеўскі, у 1/8 фіналу Лігі канферэнцый згуляе з АЕКам
Сёння прайшло лёсаванне 1/8 фіналу футбольнай Лігі канферэнцый.
Славенскі «Цэле», які трэніруе беларус Іван Маеўскі, у 1/8 фіналу Лігі канферэнцый згуляе з АЕКам з Афінаў.
Астатнія пары:
- «Крыстал Пэлас» — АЕК Ларнака
- «Лех» — «Шахцёр»
- «Самсунспор» — «Раё Вальекана»
- «АЗ Алкмаар» — «Спарта»
- «Фіярэнціна» (Італія) — «Ракуў»
- «Рыека» — «Страсбур»
- «Сігма» — «Майнц»
Першыя матчы пройдуць 12 сакавіка, паўторныя — 19 сакавіка. Фінал турніру адбудзецца 27 мая ў Лейпцыгу (Германія).
Іван Маеўскі, які працаваў памочніка галоўнага трэнера ў «Цэле», узначаліў клуб у канцы студзеня, калі Альберт Рыера узначаліў нямецкі «Айнтрахт».
Пасля 24 тураў з 50 баламі «Цэле» лідзіруе ў турнірнай табліцы, апярэджваючы на дзевяць балаў «Марыбор». У чэмпіянаце Славеніі пад кіраўніцтвам Маеўскага з пачатку лютага клуб двойчы выйграў, згуляў унічыю з «Марыборам» і раз прайграў.
У гэтым сезоне «Цэле» гуляў у асноўным раўндзе Лігі канферэнцыі, фінішаваў 13‑м з 36 клубаў і ў 1/16 фіналу выбіў косаўскую «Дрыту», двойчы перамогшы яе.
У мінулым сезоне «Цэле» ў чэмпіянаце Славеніі заняў чацвертае месца.
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал15
Каментары