Вайскоўцы збілі як мінімум адзін беспілотнік 26 лютага над Гомелем
Падчас пралёту над Гомелем дронаў беларускім вайскоўцам удалося збіць як мінімум адзін беспілотнік, стала вядома «Флагштоку».
Беспілотнік у небе над цэнтрам Гомеля. Скрыншот відэа
Гэта адбылося раніцай 26 лютага над заходняй прамысловай ускраінай Гомеля. У тую раніцу відавочцы назіралі, што за БпЛА ляцеў вайсковы верталёт. У нейкі момант беспілотнік пачаў падаць.
Верагодна, з борта верталёта па ім было нанесена агнявое паражэнне са стралковай зброі, піша выданне.
Усяго ў тую раніцу над Гомелем праляцела як мінімум пяць беспілотнікаў тыпу Shahed-136 («Герань»). Верагодна, гэта былі расійскія дроны, якія павінны былі атакаваць Украіну, але па нейкіх прычынах збіліся з першапачатковага маршруту.
Чытайце таксама:
Над Гомелем проста цяпер кружляе шахед
Гамяльчан напалохалі расійскія «Шахеды»: кружылі так нізка, што «палкамі можна было збіваць»
З'явілася відэа палёту беспілотніка над Гомелем. Ён праляцеў праз цэнтр горада ў бок Украіны