З'явілася відэа палёту беспілотніка над Гомелем. Ён праляцеў праз цэнтр горада ў бок Украіны
У інтэрнэце апублікавана відэа, на якім зафіксаваны палёт буйнога беспілотніка над Гомелем. На кадрах, знятых з самага цэнтра горада, добра чутны характэрны гук рухавіка, які нагадвае працу матацыкла.
Нягледзячы на індустрыяльны пейзаж на відэа, здымка сапраўды вялася з самага цэнтра горада — з раёна плошчы Леніна, на якой знаходзіцца будынак аблвыканкама. Камера была скіравана на захад, у бок шчыльнай жылой забудовы, Цэнтральнага рынку і чыгункі.
Мяркуючы па траекторыі руху (справа налева), беспілотнік праляцеў над стратэгічна важнымі аб'ектамі — гомельскім чыгуначным вузлом і вакзалам — накіроўваючыся на поўдзень, у бок мяжы з Украінай.
Раней выданне «Флагшток» паведамляла пра магчымае з'яўленне над Гомелем расійскага ўдарнага беспілотніка Shahed-136 («Герань»). Баявая частка такіх апаратаў можа ўтрымліваць да 50 кілаграмаў выбухоўкі.
Афіцыйны тэлеграм-канал упраўлення ідэалогіі Гомельскага аблвыканкама адрэагаваў на з'яўленне відэаматэрыялаў пагрозамі крымінальнай адказнасці за здымкі дрона і публікацыю кадраў з беспілотнікамі.
«Наша Нiва» — бастыён беларушчыны
ПАДТРЫМАЦЬЦяпер чытаюць
Лукашэнка знайшоў незвычайныя словы для спачування Хаменеі: «вераломная атака»16
Каментары
Умиляет, что реакция скотного двора остаётся в жанре «запретить и напугать». Вместо того чтобы чётко объяснить правила и границы, проще достать из шкафа слово «уголовная ответственность» — оно ведь звучит внушительно. Такое ощущение, что беспилотник опасен не тем, что летает, а тем, что его гомельчане снимают. Исполком, вы в своем уме?