«Часта на «хіміі» складана рабіць самыя простыя рэчы». Ціханоўская выказала спачуванні з прычыны смерці Алены Панковай
Дэмакратычная лідарка Беларусі пракаментавала смерць Алены Панковай, што адбывала хатнюю хімію.
«Вельмі балюча чытаць пра смерць Алены Панковай. Ёй было толькі 54. Алена была асуджаная за ўдзел у пратэстах і адбывала «хатнюю хімію»: жыццё па жорсткім графіку і пад пастаянным кантролем. Часта на «хіміі» складана рабіць самыя простыя рэчы, у тым ліку клапаціцца пра сваё здароўе, бо нават для звычайнага візіту да лекара трэба прасіць дазвол і ўзгадняць кожны крок. Гэта цяжка ўявіць, але так выглядае штодзённасць людзей, якіх караюць за грамадзянскую пазіцыю. Выказваю шчырыя спачуванні родным і блізкім Алены і асобна — яе 18‑гадоваму сыну. Сілы вам», — напісала Ціханоўская ў сваім тэлеграм-канале.