«Белавія» ў Ізраіль пакуль лётаць не будзе

Авіякампанія «Белавія» падоўжыла прыпыненне рэйсаў з Мінска ў Тэль-Авіў яшчэ як мінімум на тыдзень.

Здымак ілюстрацыйны. Фота: Lookby.media

Раней планавалася, што палёты ў Ізраіль адновяцца пасля 16 сакавіка. Аднак цяпер ізраільскія авіяцыйныя ўлады працягнулі закрыццё паветранай прасторы для замежных перавозчыкаў да 23 сакавіка.

У сувязі з гэтым Belavia адмяняе два рэйсы па маршруце Мінск — Тэль-Авіў — Мінск, якія былі запланаваныя на 19 і 22 сакавіка.

Пасажыры скасаваных рэйсаў могуць:

• вярнуць грошы за білеты ў месцы пакупкі;
• змяніць дату вылету

Раней кампанія таксама паведамляла, што рэгулярныя рэйсы ў Дубай прыпыненыя да 28 сакавіка.

Каментары да артыкула