Беларускія турысты, якія набылі туры з Мінска з пералётам FlyDubai, сутыкнуліся з цяжкасцямі
Беларускія турысты, якія набывалі туры з вылетам з Мінску авіякампаніяй FlyDubai, не могуць вярнуцца дадому і вымушаныя чакаць у Аб’яднаных Арабскіх Эміратах, паведамляе Рэспубліканскі саюз турыстычных арганізацый.
Праблема ўзнікла пасля ракетных удараў Ірана па аб’ектах у рэгіёне, у тым ліку па дубайскім аэрапорце.
Сотні грамадзян Беларусі цяпер чакаюць магчымасці вылецець. Турыстычныя кампаніі паведамляюць, што рэйсы FlyDubai паміж Дубаем і Менскам масава скасоўваюцца. Напрыклад, быў адменены рэйс на 5 сакавіка, які павінен быў забраць пасажыраў, што планавалі вярнуцца ў гэты дзень. Скасаваны таксама рэйс на 6 сакавіка. Пры гэтым незразумела, калі змогуць вярнуцца людзі, чые вылеты былі запланаваныя яшчэ на канец лютага.
Беларуская авіякампанія «Белавія» ўжо арганізавала некалькі эвакуацыйных рэйсаў з Дубая ў Менск. Аднак трапіць на іх складана, бо месцаў мала. Акрамя таго, пасажырам трэба купляць новыя квіткі, што азначае дадатковыя выдаткі. Пакуль беларускія тураператары аплачваюць падаўжэнне пражывання турыстаў, якія засталіся ў Эміратах.
Адзначаецца, што рэйсы FlyDubai з Дубая ў Маскву працягваюць выконвацца. Таму некаторыя беларускія турысты, якія прыляцелі праз расійскую сталіцу, ужо вяртаюцца дадому гэтым маршрутам. Турыстычныя кампаніі разглядаюць магчымасць адпраўляць людзей праз Маскву, бо з вылетамі ў Мінск сітуацыя пакуль нявызначаная.
Асабліва цяжкая сітуацыя ў тых беларусаў, якія знаходзяцца на аддаленых курортах — напрыклад, на Мальдывах або Занзібары. Большасць з іх таксама ляцела рэйсамі FlyDubai, і цяпер незразумела, як яны змогуць вярнуцца.
Паводле ацэнак кіраўніка «Белавія» Ігара Чаргінца, у ААЭ маглі затрымацца каля тысячы грамадзян Беларусі. 4 сакавіка кампанія выканала два эвакуацыйныя рэйсы з Дубая ў Мінск, на якіх знаходзіліся больш за 470 пасажыраў, у тым ліку немаўляты. 5 сакавіка ў Беларусь таксама прыляцеў эвакуацыйны рэйс з Амана.
«Белавія» плануе працягваць вывазныя рэйсы на гэтым і наступным тыдні. Акрамя таго, кампанія чакае змяненняў у абмежаваннях паветранай прасторы, каб арганізаваць эвакуацыйны рэйс з катарскай Дохі. Таксама пасажырам прапануюць вярнуць грошы за квіткі ў Дубай, набытыя з датай вылету да 31 сакавіка.
Турысты, якія захраслі ў ААЭ, вяртаюцца дадому: першы вывазны рэйс «Белавія» прызямліўся ў Мінску
У Мінск з Дубая вярнулі яшчэ 283 беларусаў
«Басейны закрытыя, на пляжы рэкамендуюць не хадзіць». Што кажуць турысты ў ААЭ і Катары
Два беларускія тэнісісты не могуць вылецець з ААЭ. Эвакуацыю прапануюць за 5 тысяч еўра
«Пад канец адпачынку даведаліся, што тут няма сховішчаў». Беларусы, што знаходзяцца ў ААЭ, расказалі, як ім там цяпер
«Беларусы і ў Дубаі беларусы». Як суайчыннікі арганізавалі дапамогу тым, хто не можа вярнуцца дамоў праз закрытае неба
Цяпер чытаюць
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах9
Каментары