У Instagram больш не будзе скразнога шыфравання паведамленняў
Сацыяльная сетка Instagram з 8 мая 2026 года спыніць падтрымку скразнога шыфравання паведамленняў. Пра гэта паведаміла прадстаўніца кампаніі Meta Дзіна Эль-Касабі Люс.
Здымак ілюстрацыйны. Фота: «Наша Ніва»
Карыстальнікам, для якіх важная прыватнасць перапіскі, раяць перайсці ў месенджар WhatsApp, дзе такая сістэма абароны паведамленняў застаецца.
Пакуль інфармацыя пра будучыя змены апублікаваная толькі ў даведачным цэнтры Instagram.
Карыстальнікам, чые чаты былі абароненыя скразным шыфраваннем, прапануюць загадзя спампаваць свае перапіскі і медыяфайлы. У кампаніі таксама паведамілі, што неўзабаве ў саміх чатах з’явяцца інструкцыі, як захаваць паведамленні і файлы.
Чытайце таксама:
Звязаныя з Расіяй хакеры спрабуюць атрымаць доступ да акаўнтаў у Signal і WhatsApp
КДБ гадамі выкарыстоўваў шпіёнскую праграму для сачэння за журналістамі
Як блакуюць званкі ў месенджарах? Ці могуць гэта зрабіць у Беларусі і як тады званіць у Telegram?