Алесь Бяляцкі сустрэўся з прэзідэнтам Чэхіі
16 сакавіка ў Празе прэзідэнт Чэхіі Петр Павел у сваёй рэзідэнцыі сустрэўся з беларускім праваабаронцам, былым палітвязнем і лаўрэатам Нобелеўскай прэміі міру Алесем Бяляцкім. Пра гэта паведаміў Офіс дэмакратычных сіл Беларусі ў Чэхіі.
Фота: x.com/OfficeBLRinCZE
Падчас сустрэчы Бяляцкі падкрэсліў важнасць захавання санкцый супраць рэжыму Лукашэнкі, а таксама неабходнасць далейшай падтрымкі дэмакратычных сіл Беларусі, грамадзянскай супольнасці і палітычных зняволеных. У якасці прыкладу такой падтрымкі ён згадаў праграму Medevac.
Фота: x.com/OfficeBLRinCZE
Акрамя таго, праваабаронца адзначыў, што Беларусь не варта атаясамліваць з Расіяй, бо большасць беларусаў не падтрымлівае вайну супраць Украіны.
Ён таксама нагадаў, што мільёны людзей, якія выходзілі на пратэсты ў 2020 годзе, па-ранейшаму вераць у дэмакратычную і еўрапейскую будучыню сваёй краіны.
Чытайце таксама:
«Не Дзень Волі, а тыдзень». Севярынец расказаў пра падрыхтоўку святкавання 25 Сакавіка
Бяляцкі вярнуўся ў фэйсбук: «Ніводнага дня ў турме я не шкадаваў за зробленае»
Бяляцкі: Эфектыўны ціск на Лукашэнку — эканамічныя, палітычныя санкцыі і непрызнанне выбараў