У Мінску за хабар затрымалі кіраўнікоў буйнога прадпрыемства
Прэс-служба МУС паведаміла пра затрыманне ў Мінску двух кіраўнікоў буйнога прамысловага прадпрыемства за атрыманне хабару. Яны нібыта атрымлівалі грошы за тое, каб уключаць пасярэднікаў у ланцужок паставак.
Скрыншот з відэа
Назва прадпрыемства пакуль не раскрываецца, але вядома, што яно з’яўляецца адным з найбуйнейшых вытворцаў алейнатлушчавай прадукцыі. Магчыма, маецца на ўвазе маргарынавы завод.
Паводле інфармацыі следства, кіраўнікі бралі хабар за арганізацыю закупак сыравіны праз пасярэднікаў, а таксама за продаж прадукцыі на экспарт па заніжаных цэнах. Каб схаваць сваю дзейнасць, яны дзейнічалі па схеме «добрага і дрэннага кіраўніка», што дазваляла не выклікаць падазрэнняў у супрацоўнікаў і партнёраў. Атрыманыя грошы яны дзялілі паміж сабой.
Раней у Беларусі ўжо неаднаразова заяўлялі пра ўзмацненне барацьбы з карупцыяй і неабгрунтаваным пасярэдніцтвам. Сілавым органам Лукашэнка тыдзень таму які ўжо раз даручыў жорстка спыняць такія парушэнні, аж да змяшчэння падазраваных пад варту.
Чытайце таксама:
Лукашэнка толькі сёння звольніў міністра, якога пасадзіў больш за тыдзень таму
Лукашэнка зноў апалчыўся на пасярэднікаў. Гэтаму змаганню ўжо хутка 20 гадоў