Лукашэнка толькі сёння звольніў міністра, якога пасадзіў больш за тыдзень таму
Прэс-служба Лукашэнкі 19 сакавіка паведаміла, што ён вызваліў Сяргея Масляка з пасады міністра прыродных рэсурсаў і аховы навакольнага асяроддзя. Прычынай названы ўчынак, не сумяшчальны з дзяржаўнай службай.
Тыдзень таму, 12 сакавіка, Лукашэнка паведаміў, што Масляк быў затрыманы і знаходзіцца ў СІЗА па абвінавачанні ў хабарніцтве. Паводле яго слоў, чыноўніка затрымалі «на месцы злачынства», а справа знаходзіцца пад строгім кантролем сілавікоў.
Масляк займаў пасаду міністра з красавіка 2024 года і адначасова кіраваў камісіяй па барацьбе з карупцыяй у гэтым ведамстве. Апошнія звесткі пра яго працу на гэтай пасадзе з’яўляліся ў пачатку сакавіка.
Да гэтага ён працаваў на розных кіраўнічых пасадах у Мінску: быў намеснікам кіраўніка адміністрацыі Заводскага раёна, затым узначальваў гарадскі камітэт прыродных рэсурсаў, а пасля — адміністрацыю гэтага ж раёна.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку20
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары
А да гэтага, той працаваў аддалена)