У Беларусі жывуць два віды вераб'ёў. А як іх адрозніць?

У Беларусі жыве два віды вераб’ёў — палявы і дамавы. Але пры гэтым «формаў» у гэтых птушак ажно тры, піша тэлеграм-канал «Дзікая прырода побач».

Палявы верабей. Фота: Віталь Некрашэвіч

У палявога вераб’я «шапачка» карычневая, чорная пляма на шчочцы. Самцы і самкі афарбаваныя аднолькава.

Самец дамавога вераб'я. Фота: Віталь Некрашэвіч

У самца дамавога вераб’я «шапачка» шэрая. Плямкі на шчацэ няма.

Самка дамавога вераб'я. Фота: Віталь Некрашэвіч

А вось самка дамавога вераб'я не падобная ні да палявога, ні да самца дамавога.

Увогуле ж у палявых і дамавых вераб'ёў розныя біятопы: палявыя трымаюцца травы, а дамавыя жывуць сярод бетону і асфальту.

Каментары да артыкула