«Калі б вам удалося тады адбіцца, нашы народы былі б сёння разам у ЕС». Літоўская еўрадэпутатка павіншавала беларусаў па-беларуску
Дэпутатка Еўрапарламента ад Літвы Раса Юкнявічэне, якая ў 2008‑2012 гадах была міністаркай абароны гэтай краіны, на сваёй старонцы ў фэйсбуку павіншавала беларусаў з Днём Волі, напісаўшы свой пост па-беларуску.
Такой выявай Раса Юкнявічэне праілюстравала свой пост, за што яе адразу ж у каментарах пачалі атакаваць змагары з так званым «ліцвінізмам»
«Дарагія мае беларусы!
Ад усёй душы віншую вас з Днём вашай незалежнай дзяржаўнасці.
Вы вырашылі аднавіць сваю дзяржаву крыху больш чым праз месяц пасля нашага 16 лютага.
Калі б вам тады ўдалося адбіць бальшавікоў, нашы народы, хутчэй за ўсё, былі б сёння разам у Еўрапейскім Саюзе. Аднак я веру, што рана ці позна гэта адбудзецца.
Ваш народ у 2020 годзе паказаў, што нацыя жывая. Рэжымы ўпадуць, Еўропа будзе працягваць аб'ядноўвацца, і вашы намаганні вярнуцца на еўрапейскую карту ў якасці дэмакратычнай дзяржавы не будуць марнымі.
У вас шмат сяброў у Еўропе і ў маёй краіне, Літве.
Жыве Беларусь!», — напісала Раса Юкнявічэне.
Чытайце таксама:
Як беларусы ў Вільні адзначылі Дзень Волі ШМАТ ФОТА
У Варшаве Палац культуры і навукі падсвяцілі бел-чырвона-белымі колерамі ФОТАФАКТ
У Еўрапарламенце на Дзень Волі выступілі ў падтрымку беларусаў