У Гродне жанчына ехала п'яная з трохгадовым дзіцём

Супрацоўнікі гродзенскай ДАІ спынілі аўтамабіль, які рухаўся з парушэннямі — машына віхляла з боку ў бок, што выклікала падазрэнні. За рулём аказалася 31‑гадовая жанчына, а на пасажырскім сядзенні знаходзілася яе трохгадовае дзіця.

Скрыншот з відэа

Падчас праверкі высветлілася, што напярэдадні ўвечары жанчына выпіла каля паўтара літра піва, а раніцай, каля 5:30, села за руль, каб паехаць на сустрэчу са знаёмым.

Медыцынская экспертыза паказала 1,1 праміле алкаголю ў крыві кіроўцы, што сведчыць пра стан ап’янення.

У выніку жанчыну прыцягнулі да адказнасці: ёй прызначылі штраф каля 9 тысяч рублёў, пазбавілі правоў кіроўцы на 5 гадоў. Аўтамабіль адправілі на штрафстаянку, а саму жанчыну змясцілі ў ізалятар часовага ўтрымання.

Каментары да артыкула