Пілот вываліўся, пасажырка засталася ў небе адна — падрабязнасці катастрофы з дэльтапланам пад Мінскам
45‑гадовы пілот і 26‑гадовая пасажырка загінулі.
Гэты мотадэльтаплан з чырвонымі крыламі разбіўся сёння
14 красавіка на тэрыторыі Беларускага дзяржаўнага музея народнай архітэктуры і побыту здарылася страшная трагедыя — разбіўся мотадэльтаплан «Фрэгат».
На тэрыторыі музея працаваў клуб «Авія-Менск». Яго паслугі заўсёды карысталіся попытам — наведвальнікі маглі паглядзець сталіцу і ваколіцы з вышыні птушынага палёту.
Чарговы палёт прывёў да трагедыі.
Пілот пачаў набіраць вышыню, але злавіў парыў ветру. У выніку крыло склалася, а сам пілот вываліўся з дэльтаплана. Ці то ён ад пачатку не быў прышпілены, ці то мацаванне развалілася.
Дзяўчына-пасажырка бездапаможна засталася ляцець адна. Пасля падзення ніхто не выжыў.