У Наваполацку знялі, як мыш у краме вылазіць паласавацца катлетамі ВІДЭА
У наваполацкім тыкток-пабліку 18 красавіка размясцілі відэа з мясцовай крамы, дзе ў аддзеле кулінарыі была заўважаная мыш.
На відэа бачна, як мыш пралазіць у нібыта адмыслова для яе створаную адтуліну і трапляе на паднос з «аладкамі з курыцы» (так называецца гэта страва, калі меркаваць па цэнніку). Каб пачаставацца, ёй не трэба нават вылазіць з дзіркі цалкам, дастаткова прасунуць галаву.
Гледачы відэа адразу ж ахрысцілі жывёліну Рататуем.
Адбываецца гэта ў краме «Еўраопт», што ў гандлёвым цэнтры «Задыяк».
Чытайце таксама:
У гродзенскім «Еўраопце» заўважылі мыш ВІДЭА
У мінскім гандлёвым цэнтры за вагамі ў мясным аддзеле сядзела мыш ФОТА
У мінскім гіпермаркеце па гандлёвай зале бегала мыш. Туды прыйшла санстанцыя
Эпідэміёлагі пракаментавалі зʼяўленне пацука ў сталічнай краме: ён шукаў папіць