Стаўкі ўтылізацыйнага збору зменяцца з 29 красавіка

З 29 красавіка ў Беларусі зменяцца стаўкі ўтылізацыйнага збору на транспартныя сродкі, паведаміў Дзяржаўны мытны камітэт. Гаворка ідзе пра абавязковы плацеж, які спаганяецца пры набыцці або ўвозе аўтамабіляў.

Ілюстрацыйны здымак. Фота: «Наша Ніва»

Як раней паведамлялася, для фізічных асоб утылізацыйны збор павялічыцца наступным чынам:

• для аўтамабіляў ва ўзросце да трох гадоў, незалежна ад тыпу і аб’ёму рухавіка, сума вырасце з 544,5 рубля да 624,92 рубля;
• для аўтамабіляў старэйшых за тры гады збор павялічыцца з 1089 рублёў да 1282,02 рубля.

Для шасі транспартных сродкаў стаўкі будуць залежаць ад іх катэгорыі і тэхнічна дапушчальнай вагі.

Пры гэтым сам дакумент Савета Міністраў ад 23 красавіка №195, які рэгулюе гэтыя змены, афіцыйна пакуль не апублікаваны.

Каментары да артыкула