Урад узмацніў кантроль за якасцю алкаголю
У Беларусі ўзмацняюць кантроль за якасцю алкаголю. Адпаведную пастанову падпісаў прэм'ер-міністр Аляксандр Турчын.
Здымак ілюстрацыйны. Фота: «Наша Ніва»
Як сказана ў паведамленні ўрада, пастановай узмацняюцца тэхнічныя патрабаванні да алкагольнай прадукцыі, якая падлягае абавязковаму пацвярджэнню адпаведнасці ў форме сертыфікацыі. Уводзіцца абмежаванне па ўтрыманні хініну і сінільнай кіслаты ў алкагольнай прадукцыі, па ўтрыманні метылавага спірту — для тэкілы і мескаля.
Забараняецца прымяненне інгрэдыентаў, замена сартоў вінаграда або іх змешванне, калі гэта не прадугледжана дакументамі, у адпаведнасці з якімі вырабленая алкагольная прадукцыя. Забараняецца дадаванне ў алкагольную прадукцыю этылавага спірту з нехарчовай сыравіны, а ў каньякі, каньячныя напоі, брэндзі, дзівіны — сінтэтычных фарбавальнікаў.
Вызначаюцца дадатковыя тэхнічныя патрабаванні да віскі і вінаў шляхам дапаўнення пераліку дзяржаўных і міждзяржаўных стандартаў, на адпаведнасць патрабаванням якіх праводзіцца праверка пры правядзенні абавязковай сертыфікацыі.
Пастанова ўступае ў сілу праз тры месяцы пасля яе афіцыйнага апублікавання.
Чытайце таксама:
У Гомелі ў адной з кватэр знайшлі адразу тры трупы
Нямецкія навукоўцы: піва багатае на вітамін B6, у тым ліку і безалкагольнае