Арнітолагі паставілі камеру на гняздо чорнага бусла. З яе ўжо прыйшлі добрыя весткі ФОТАФАКТ

У заказніку «Сярэдняя Прыпяць» вельмі вялікая шчыльнасць гнездавання чорных буслоў — 28‑32 пары на 100 квадратных кіламетраў. Гэта адзін з самых вялікіх паказчыкаў у Еўропе. На адным з гнёздаў сёлета паставілі gsm-камеру, піша тэлеграм-канал «Дзікая прырода побач».

Фота з камеры, пастаўленай Паўлам Пакулем

Gsm-камеру на адным з гнёздаў чорных буслоў паставіў сёлета супрацоўнік Навукова-практычнага цэнтра біярэсурсаў НАН Беларусі Павел Пакуль.

Днямі з яе прыйшла фатаграфія, на якой бачна, што ў гняздзе ўжо чатыры яйкі.

Дзякуючы гэтай камеры на працягу сезона можна сачыць за жыццём у гэтым палескім гняздзе.

Чорны бусел, які, у адрозненне ад белага, стараецца пазбягаць людзей і селіцца ў максімальна глухіх і цяжкадаступных мясцовасцяў, быў выбраны беларусамі птушкай 2026 года. 

Каментары да артыкула