На Браслаўскіх азёрах знайшлі рэдкі аміячны грыб
У нацыянальным парку «Браслаўскія азёры» навукоўцы ўпершыню знайшлі рэдкі і маладаследаваны грыб — бісанектрыю наземную, якую яшчэ называюць «аміячным» грыбам.
Бісанектрыя наземная. Фота: nauka_braslavpark / threads.com
Гэты від расце ў месцах, багатых азотам. Звычайна гэта глеба або іншыя субстраты, насычаныя прадуктамі жыццядзейнасці дзікіх жывёл. Менавіта з-за такой асаблівасці грыб і атрымаў сваю неафіцыйную назву.
Як правіла, бісанектрыя наземная з’яўляецца ў лясах у вясновы перыяд — з красавіка да сярэдзіны чэрвеня.
Раней гэты від грыбоў не ўваходзіў у спіс зафіксаваных у нацыянальным парку «Браслаўскія азёры», таму яго знаходка лічыцца новай для гэтай тэрыторыі.
Чытайце таксама:
«Эфект вечнага лета». У Беларусі ўжо ў канцы красавіка дзе-нідзе растуць падасінавікі
У палескіх лясах знайшлі незвычайны для Беларусі грыб
Новы трэнд — грыбная кава. Наколькі гэта сапраўды функцыянальны напой?